Een van die bewyse dat jy 'n volgeling van Jesus is, is dat jy begin omgee hoe dit met mense gaan wat Hom nié volg nie. Jy begeer dat dit wat die Here vir jou gedoen het, en steeds doen, ook in ander se lewens kan gebeur. 

 

Die rede vir Jesus se geboorte, lewe, dood, en opstanding, is omdat die mensdom sonder Hom verlore is. Só het Jesus dit self gestel:

 

…die Seun van die mens het gekom om te soek en te red wat verlore was. (Luk 19:10)

 

Die bekende evangelis, Billy Graham, het tereg gesê dat die grootste behoefte in die wêreld na die boodskap van redding is:

 

The central issues of our time aren't economic or political or social, important as these are. The central issues of our time are moral and spiritual in nature, and our calling is to declare Christ's forgiveness and hope and transforming power to a world that does not know him or follow him. May we never forget this.

 

Elke gelowige is 'n geroepene en 'n gestuurde.

 

Jou eerste toerusting is jou eie storie. Hoe jy God leer ken het, en hoe Hy jou lewe heelmaak, is die eerste talent wat Hy aan jou toevertrou. Dit is waarmee jy kan begin woeker. Selfs voor jy enige ander talent of gawe ontwikkel, kan jy begin deur om te gee vir ongelowige mense, vir hulle te bid, en toe te laat dat die Here jou gebruik om 'n vriend, 'n stem, en 'n lig te wees.

 

Op hierdie blad kan jy ook lees en na videos kyk om meer oor ons missie in die wêred te leer.