Een van die heel belangrikste geloofsgewoontes of ritmes van 'n volgeling van Jesus, is om die Bybel gereeld te lees. En nie net te lees nie, maar op só 'n manier te lees dat dit jou manier van dink, en ook jou manier van leef begin verander. 

 

Jy kan fisies nie lank oorleef indien jy nie kos eet nie, maar die hele Bybel praat van baie belangriker voedsel, naamlik God se woorde. 

 

Natuurlik praat God op baie maniere met 'n mens, maar sekerlik een van sy grootste geskenke aan ons is die Bybel. 'n Gelowige kan die Bybel só leer lees dat jy inderdaad sal begin ervaar dat God sélf, deur die Skrif, as't ware met jou in gesprek tree.  

​

Jesus het gesê jy het hierdie gesprek nodiger as brood:

​

Maar Hy antwoord en sê: Daar is geskrywe: Die mens sal nie van brood alleen lewe nie, maar van elke woord wat deur die mond van God uitgaan.  Mat 4:4

 

In hierdie afdeling volg leesmateriaal en videos oor jou reis met die Skrif.